Qəhrəmanov Nadir Fərrux oğlu 1945-ci il, mayın 24-də Zəngəzur qəzasının Urud kəndində ziyalı ailəsində anadan olmuşdur. 1962-ci ildə orta məktəbi bitirmişdir. Elə həmin ildə Bakı Dövlət Universitetinin fizika fakültəsinə daxil olmuşdur. 1967-ci ildən 1969-cu ilə qədər hərbi xidmətdə olmuşdur. 1969-cu ildən fəaliyyətini Bakı Dövlət Universiteti ilə bağlamışdır. 1972-ci ilə qədər laborant, 1972-1976-cı illərdə isə "Ümumi fizika" kafedrasında müəllim işləmişdir. 1976-cı ildə "İndium kükürd monokristalının alınması və bəzi fiziki xassələri" mövzusunda dissertasiya müdafiə edərək fizika-riyaziyyat elmləri namizədi elmi dərəcəsini almışdır. 1977-1986-cı illərdə "Ümumi fizika" kafedrasının dossenti vəzifəsində çalışmışdır.1986-cı ildə Moskvada SSRİ Elmlər Akademiyasının Radioelektronika İnstitutunda "Yeni tipli üçqat yarımkeçirici birləşmələr" mövzusunda doktorluq dissertasiyası müdafiə edərək fizika-riyaziyyat elmləri doktoru elmi dərəcəsini almışdır. O, həmin ildən Bakı Dövlət Universitetinin "Ümumi fizika" kafedrasının professoru vəzifəsində öz elmi-pedaqoji fəaliyyətini davam etdirərək müxtəlif illərdə həmin kafedranın müdiri vəzifəsində çalışmışdır. 30 ilə yaxın bir müddətdə BDU-da yüksək elmi - pedaqoji səviyyədə mühazirələr oxumuşdur. N.Qəhrəmanov mürəkkəb yarımkeçiricilər üzrə mütəxəssisdir. 200 - dən çox elmi məqalənin, 10 müəlliflik şəhadətnaməsi, monoqrafiya və dərs vəsaitlərinin müəllifidir. 8 elmlər namizədi hazırlamışdır. SDU elmi xəbərlər jurnalının baş redaktorudur. Azərbaycan Respublikası Prezidentinin 31 may 2000-ci il tarixli sərəncamı ilə Sumqayıt Dövlət Universitetinin rektoru təyin edilmişdir. Ailəlidir, iki övladı, dörd nəvəsi vardır.

Hüseynov Yadigar Yusif oğlu 1955 - ci il, mayın 3 - də Gürcüstan Respublikasında anadan olmuşdur. 1972-ci ildə orta məktəbi, 1977-ci ildə isə Bakı Dövlət Universitetinin fizika fakültəsini bitirmişdir. 1977 - 1981 - ci illərdə Qəbələ rayonunda müəllim, 1981-2000 - ci illərdə isə Bakı Dövlət Universitetinin "Yarımkeçiricilər" laboratoriyasında çalışmışdır. 1989 - cu ildə namizədlik dissertasiyasını müdafiə edərək fizika - riyaziyyat elmləri namizədi elmi dərəcəsini almışdır. 1990-1991-ci illərdə İtaliyada I Roma Universitetində elmi ezamiyyətdə olmuşdur. 1993-cü ildə elmi işlərinin nəticələrinə görə Beynəlxalq Soros Fondunun mükafatına layiq görülmüşdür. 2003-cü ildə "Avtonom qidalanan funksional qurgu və heteroelektron quruluşların yaradılmasının fiziki-texnoloji xüsusiyyətləri" mövzusunda doktorluq dissertasiyası müdafiə edərək fizika-riyaziyyat elmləri doktoru elmi dərəcəsini almışdır. 2004-cü ildə Bərk cisim elektronikası kafedrasını yaratmışdır. Hal-hazırda həmin kafedranın professoru və kafedra müdiridir. 120-dən çox elmi məqalənin, 6 müəlliflik şəhadətnaməsinin, 2 monoqrafiyanın, 6 dərs vəsaitinin müəllifidir. 2000-ci ildən Sumqayıt Dövlət Universitetinin Elmi işlər üzrə prorektoru vəzifəsində çalışır. Ailəlidir, üç övladı və nəvəsi var.

Ağayev Əkbər Əli oğlu 26 fevral 1954-cü ildə İrəvan şəhərində müəllim ailəsində anadan olmuşdur.1961-ci ildə İrəvan şəhəri M.F.Axundov adına 9 saylı orta məktəbin birinci sinifinə getmiş və həmin məktəbi 1971-ci ildı bitirmişdir.
1971-ci ildə M.Əzizibəyov adına Neft və Kimya istitutunun (indiki ADNA) kimya-texnologiya fakültəsinə daxil olmuş və oranı 1976-cı ildə bitirmişdir.Mühəndis-kimyaçı texnoloqdur.Əmək fəaliyyətinə 1976-cı ildə başlamışdır. 1976-1983-cü illərdə Azərbaycan Elmlər Akademiyasının akademik Y.H.Məmmədəliyev adına Neft-Kimya prosesləri institutunda mühəndis,böyük mühəndis,kiçik elmi işçi vəzifələrində çalışmışdır.1976-7980-cı illərdə həmin institutun qiyabi aspirantı olmuşdur.
1983-cü ildən Sumqayıt Dövlət Universitetində çalışır.1983-1987-ci illərdə dosent,1987-ci ildən bu günə qədər isə indiki “Neft kimyası və kimya texnologiyası” kafedrasının müdiridir.1995-2000-ci illərdə beynəlxalq əlaqələr üzrə prorektor,2004-2006-cı illərdə “İqtisadiyyat və İdarəetmə” fakültəsinin dekanı vəzifələrini də icra etmişdir.
Ə.Ə. Ağayev 1981-ci ildə “Neft kimyası” ixtisası üzrə namizədlik,1992-ci ildə isə həmin ixtisas üzrə doktorluq dissertasiyalarını müdafiə etmişdir.1994-cü ildən “Üzvi maddələrin texnologiyası” kafedrası üzrə professordur.
2004-2006-cı illərdə Azərbaycan Respublikası Prezidenti yanında Ali Atestasiya komissiyasının kimya bölməsi üzrə eksperti olmuş,hal-hazırda Azərbaycan MEA “Kinetika və kataliz” və “Yüksək molekullu birləşmələr kimyası” üzrə problem Şuralarının üzvüdü.
5 elmlər namizədi hazırlanmış,1 doktorant və 3 aspirant,3 dissertantın elmi rəhbəridir.
Ə.Ə. Ağayev 200-dən artıq elmi işin,o cümlədən 26 dərslik, dərs və tədris vəsaitinin,14 fənn proqramının, 2 monoqrafiyanın, 8 ixtiranın və 8 potentin müəllifidir.Elmi əsərlərindən 70-i xarici ölkələrdə (Almaniya,Kanada,Çexiya,Rusiya,Türkiyə,Ukraina,Pakistan,Kipr və keçmiş SSRİ-də) dərc edilmiş və onlara alimlər tərəfindən istinadlar olunur.
Azərbaycan Respublikası Təhsil Nazirliyinin və Azad Həmkarlar İttifaqı Komitəsinin fəxri fərmanları ilə təltif edilmişdir.

1951-ci ildə Ağdam rayonunda ziyalı ailəsində anadan olmuşdur. Ağdam rayon 5 saylı orta məktəbi bitirmişdir. 1968 - ci ildə M. Əzizbəyov adına Azərbaycan Neft - Kimya İnstitutunun «Mühəndis iqtisad» fakültəsinə daxil olmuş və 1973-cü ildə oranı müvəffəqiyyətlə bitirmişdir. 1989 - 1993 - cü illərdə Bakı Dövlət Universitetinin aspiranturasında təhsil almışdır. 1995 - ci ildə Azərbaycan Dövlət İqtisad İnstitutunda namizədlik dissertasiyası müdafiə etmişdir. 1986 - cı ildən indiki Sumqayıt Dövlət Universitetində assistent, baş müəllim, dosent, kafedra müdiri, dekan işləmişdir. 2002-ci ilin oktyabrından prorektor vəzifəsində işləyir.

1962-ci il 21 oiktyabrda Zəngilan rayonunun Qıraq Müşlaq kəndində ziyalı ailəsində anadan olmuşdur. Qıraq Müşlaq kənd orta məktəbini 1978 - ci ildə bitirmişdir. 1978-1981-ci illərdə Bakı Politexnik texnikumunda təhsil almışdır.1987-ci ildə Bakı Dövlət Univərsitetinə daxil olmuş və 1983-cü ildə coğrafiya fakultəsinin geodeziya və kartoqrafiya fakültəsini bitirmişdir. Müxtəlif inşaat idarələrində rəhbər vəzifələrdə işləmişdir. 2002 - ci ildən SDU - nun inzibati Təsərrüfat işləri üzrə prorektoru vəzifəsində çalışır. Evlidir, iki oğlu var.